Umugore yaciwe amande na Polisi nyuma yo gutegura imyigaragambyo mu bihe bya Coronavirus

Mu gihugu cya Wales giherereye mu bwami bw’Abongereza haravugwa inkuru y’umugore waciwe amande angana n’amayero 500, nyuma yo gutangiza imyigaragambyo muri ibi bihe bya Covid-19 kubera urupfu rw’umusore w’umwirabura witabye Imana nyuma y’ibikomere yagize kubera gukubitwa.

Ibi bikaba byabereye mu mujyi wa Cardiff mu majyepfo y’iki gihugu, aho kuwa Kane w’iki cyumweru tariki ya 14 Mutarama Polisi yatangaje ko yafashe umugore wari wateguye imyigaragambyo yirengagije ibihe turimo byo guhangana n’icyorezo cya coronavirus, Polisi yo mu mujyi wa Cardiff ikaba yahise imuca amande angana n’amayero 5oo kubera ibyo yakoze.

Uyu mugore yateguye kwigaragambya nyuma y’urupfu rw’umusore w’umwirabura witwa Mohamud Hassan  wapfuye azize ibikomere yatewe no gukubitwa na Polisi yo mu mujyi wa Cardiff mu majyepfo y’igihugu cya Wales, bikaba byatumye uwo mugore atangiza imyigaragambyo yo gusaba ubutabera kuri uwo mwana w’umuhungu.

Umuryango w’uyu musore Mohamud Hassan, ukaba waratangaje ko umwana wabo yari aherutse gukubitwa na Polisi yo mu majyepfo y’igihugu cya Wales mu mujyi wa Cardiff, maze akagira ibikomere bikomeye cyane ndetse bakaba bari bamuvunaguye cyane byaje gutuma yitaba Imana.