Uganda: Perezida Museveni yavuze ko bagiye gukora urukingo rwabo rwa Covid-19
Ibinyamakuru bitandukanye bikomeje kuvuga ko igihugu cya Uganda cyaba cyatangiye gahunda yo gukora urukingo rwabo rwa Coronavirus nkuko n’ibindi bihugu bikomeye byagiye birukora.
Perezida Yoweli Kaguta Museveni uheruka kongera gutorerwa kuyobora Igihugu cya Uganda, umwaka ushize wa 2020 yatangarije ibinyamakuru muri kiriya gihugu ko abashakashatsi batandukanye muri gihugu cye bakomeje kugerageza kureba niba bakora urukingo rwabo rw’icyorezo cya Coronavirus.
Perezida Yoweli Kaguta Museveni yakomeje avuga ko akomeje gufatanya n’abantu batandukanye mu gihugu cya Uganda bareba uburyo bakora urukingo rwabo rw’icyorezo cya Coronavirus, ntabwo twakomeza gutegereza ubufasha buvuye ku bindi bihugu.
Perezida Museveni yageze ati” Nitumara gukora urukingo rwacu mu kwezi kwa gatandatu tuzakora igerageza ku mbeba ndetse mu kwezi kwa munani dukore igerageza ku nkende turebeko ntakibazo ruzatera abantu bazaruterwa ubundi tuzategereze ko OMS izarwemeza ubundi rutangire guhabwa abantu”.
Kugeza ubu Perezida Yoweli Kaguta Museveni akaba yaramaze guhabwa urukingo hamwe n’umugore we Janet Museveni, aho bahawe urukingo rwa AstraZeneca rwakoze na Kaminuza ya Oxford yo mu gihugu cy’Ubwongereza.
