Mu gihe imirwano ikomeje gufata indi ntera hagati y’ingabo za leta ya Repubulika ya Demokarasi ya Congo n’imitwe izifasha zihanganye n’umutwe wa M23, amasasu aturuka muri iki gihugu amaze guhitana ubuzima bw’abatuye I Rubavu Batanu, abandi 20 barakomereka.
Aya makuru yemejwe n’ubuvugizi w’igisirikare cy’u Rwanda Brig Gen Ronald Rwivanga, ubwo yabitangariza ikinyamakuru Umuseke.
Ibi bitangajwe mu gihe abaturage benshi bo mu mujyi wa Goma uhana imbibi n’umujyi wa Gisenyi bakomeje kuva mu byabo kubera iyi mirwano, ndetse benshi bakaba bari gushaka ubuhungiro mu Rwanda.
Mu bari guhinga kandi harimo n’ingabo za FARDC ziyemeje kurambika intwaro hasi zikiza amagara yazo, zisaba ubuhungiro mu Rwanda, kuko nizeye ko ariho batekanye.
Kugeza ubu umutwe wa M23 umaze gufata bimwe mu bice by’ingenzi by’umujyi wa Goma, radio na Televiziyo by’igihugu.
Amashusho aturuka I Goma aragaragaza abantu benshi bari guhinga, urusaku rw’amasasu menshi mu kirere cy’uwo mujyi.
Nubwo bimeze bityo ariko, abatuye akarere ka Rubavu bijejwe umutekano, kuko barinzwe n’ingabo z’igihugu kandi zihora ziri maso.
