Nigeria:Umugabo yemeye ko iyo umugorewe yanze ko bakora imibonano mpuzabitsina aryamana n’umukobwa we
Umugabo witwa Musa Abubakar w’imyaka mirongo itatu wo muri Nigeria ari mu maboko ya polisi nyuma yo kwemera ko yahohoteye akaryamana n’umwana we w’umukobwa w’imyaka 9.
Musa Abubakar yavuze ko umugore we iyo yanzeko bakora imibonano mpuzabitsina agenda agafata uyu mwana we w’umukobwa ukiri muto bakaryamana.
Musa wiyemerera icyaha, yabyemereye imbere y’ ishami rya Leta rishinzwe iperereza, avuga ko yishora muri iki gikorwa kibi cyo guhohotera umwana we kubera ko umugore we ahora ataka umunaniro igihe cyose ashatse ko bakora imibonano mpuzabitsina.
Nk’uko uwo mwana w’umukobwa wahohotewe abitangaza, ngo papa we yatangiye kumuhohotera kuva afite imyaka 4 gusa, akabikora ngo yinjiza urutoki mu myanya ye y’ibanga.
Yavuze ko yatinye kubibwira nyina kuko ngo yakubiswe bikomeye bwa mbere yabimubwiye.
Yavuze ko kuri ubu yongeye kuvuga amahano akorerwa kubera ko nyina yabanje kumwizeza ko atazakubitwa.
Umuvugizi w’ubuyobozi bwa polisi yo muri Rivers, Nnamdi Omoni, yemeje aya mahano yabaye kuri uyu mwana, avuga ko itegeko rizakurikizwa mu guhana uyu Musa ukekwaho icyaha.
