Minisiteri y’Ibidukikije iratangaza ko yizeye ko muri 2024 izaba imaze kwegurira abikorera 80% by’amashyamba ya leta nk’uko biteganyijwe muri gahunda y’igihugu yo kwihutisha iterambere NST1 izarangirana n’umwaka utaha wa 2024.
Minisitiri w’Ibidukikije Dr. Jeanne D’Arc Mujawamariya avuga ko kugeza ubu 40% by’amashyamba ya leta ari yo amaze kwegurirwa abikorera.
Minisitiri Mujawamariya avuga ko andi 40% asigaye urugendo rwo kuyegurira abikorera rugeze kure ku buryo nayo azaba yamaze kwegurirwa abikorera mbere y’uko NST1 irangira.
Bamwe mu bagize Inteko ishinga amategeko bakaba babajije ibibazo bitandukanye ku micungire y’amashyamba, aho bagaragaje impungenge ku mashyamba yangizwa.
Kuri ibi bibazo, Minisitiri Mujawamariya yashimangiye ko kwegurira amashyamba abikorera bifasha mu micungire myiza y’amashyamba bikayarinda kwangizwa no gusarurwa imburagihe.
Dr. Mujawamariya avuga ko hari abaikorera batandukanye bashyikirije Minisiteri y’Ibidukikije ubusabe bwabo ku mashyamba atandukanye, kuri ubu bukaba burimo gusuzumwa ngo harebwe niba nabo ayo mashyamba basabye bayegurirwa.
Avuga ko hari amashyamba ya leta ashaje, kuri ubu azegurirwa abikorera kugirango bayasarure banateramo ibindi biti.
Dr. Mujawamariya avuga ko kuri ubu amashyamba ya leta yeguriwe abikorera acunzwe neza kurusha akiri mu maboko ya leta, ibi ngo biterwa nuko iyo acunzwe na leta benshi bayigabiza kubera ko baba bazi ko uyakurikirana atari hafi.
Ibi Minisitiri yabitangarije mu Nteko Ishinga Amategeko kuri uyu wa Gatanu ubwo imitwe yombi
