Ghana: Urukiko rw’ikirenga rwatesheje agaciro ibirego byari byatanzwe rwemeza Perezida Nana Akufo bidasubirwaho

Mu gihugu cya Ghana hari hamaze igihe havugwa amakuru ajyanye n’ibirego byatanzwe n’abatuvuga rumwe n’ubutegetsi batemeraga ibyavuye mu matora y’umukuru w’igihugu yabaye mu mwaka ushize wa 2020, gusa Urukiko rw’Ikirenga rukaba rwatesheje agaciro ibyo birego maze rwemeza ko Perezida Nana Akufo-Addo ari we watsinze amatora.

Abatavuga rumwe n’ubutegetsi mu gihugu cya Ghana, batanze ibirego mu rukiko rw’ikirenga muri kiriya gihugu bavuga ko amatora yabaye mu mwaka ushize wa 2020 yabayemo uburinganya buhambaye, aho bavugaga ko bibwe amajwi ndetse banasabaga ko amatora yasubirwamo bundi bushya, nkuko amakuru dukesha igihe abivuga.

Umwe mu batavuga rumwe n’ubutegetsi bwa Perezida Nana Akufo-Addo witwa John Mahama, yavuze ko ibyavuye mu matora atabyemera n’agato ndetse ngo amatora akwiye gusubirwamo nyuma y’uko batanze ikirego mu rukiko rw’ikirenga, gusa kuri ubu ibirego byabo byamaze guteshwa agaciro ndetse urukiko ruhita runemeza ko Perezida Akufo ariwe watsinze amatora, aho yatsinze ku kigereranyo cya 51.2%.