Nyuma yaho abakinnyi barimo Angel Dimaria, Neymar Junior ndetse na Leandro Paredes basanzwemo icyorezo cya Coronavirus, kuri ubu hakaba hamaze kuboneka abandi bakinnyi batatu banduye kiriya cyorezo mu ikipe ya Paris Saint Germain.
Iyi kipe nyuma yo gutsindwa na Bayern Munich muri 1/2 cya Uefa Champions League, yahise itanga ikiruhuko Ku bakinnyi bayo bose, mu minsi micye ishize nibwo abakinnyi bagarutse mu myitozo bitegura gukina shampiyona , dore ko andi makipe yo yatangiye gukina, ubuyobozi bwa Paris st Germain bwahise butangira gupima abakinnyi Covid-19, mu ntangiriro hahita haboneka batatu barimo Neymar, Dimaria na Paredes.
Kuri ubu iyi kipe yamaze gutangaza ko hari abandi bakinnyi basanzwemo icyorezo cya Coronavirus barimo umukinnyi Mouro Icardi ,Keylor Navas usanzwe ari umunyezamu w’iyi kipe ndetse na Marquinhos ukomoka mu gihugu cya Brazil.
Ibi bivuze ko ikipe ya Paris Saint Germain, ishobora kudakina umukino wa mbere wa shampiyona yari kuzakina n’ikipe ya Lens, kubera aba bakinnyi bakomeje kugaragara muri iyi kipe bafite icyorezo cya Coronavirus nkuko ibinyamakuru byinshi byo mu gihugu cy’Ubufaransa bikomeje kubitangaza.
